Sunday, August 07, 2005

The Sequel:: Part 1

Sige na nga gawin ko na, alas 2 na ng umaga.
Eto na... 5 4 3 2 1 ...

Halos 3 buwan na ng walang komunikasyon ang bidang lalaki at ang babae. Itago n lang natin ang lalaking Zyrus at ang babaeng, hmmm anong maganda.... Aurora. Ok na yan... Final. Yan. 5 4 3 2 1 ....


Naging pudpod sa pag-aaral si Zyrus. 3 buwan siyang secluded sa lahat ng kaibigan at mga ka org. Marami siyang ginawa para makalimot sa mga nangyari ng mga huling araw ng taon. Marso na at malapit ng matapos ang semestre.

Ang semestreng ito ang pinakakakaiba sa lahat. Dito ni Zyrus naranasan ang pinakamasasaklap na nangyari sa kanyang buhay. Maraming sakuna na mismong lugar na kanyang kinalakihan ay nilamon ng baha at sumikat sa dami ng namatay.

Ito ang semestre na nagpayanig sa pagkatao ni Zyrus. Dahil nga sa kanyang matinding pag-aaral ay kinarir niya ang subject n ang guro ay ang paborito ni Aurora. Matalino talaga ang guro kaso may isa siyang paniniwala na talagang tumamama sa isip ni Zyrus, ang kawalan ng Diyos. Ang pag-iisip na ito ay matagal ng nakatago sa ilalim ng pag-iisip ni Zyrus at ilang beses na niyang naitanong ngunit nilalabanan ng takot at denial. Ngunit sa dami ng problema na natatanggap ni Zyrus ay nasimulan niyang magalit sa Diyos hanggang sa tuluyang mawala ang paniniwala. Nang magsimula ang semestre, ang mga pag-iisip na ito ay pumapasok sa sa kanyaa. Sa katotohanan, sa semestreng ito niya naranasan na magsimba ng lingo-linggo na mgakakasunod sa loob ng 2 buwan n siyang pinakamatagal. Minsan, kahit hindi linggo ay napunta sa simbahan pagkatapos ng klase para maalis ito sa pag-iisip at upang itanong sa Diyos kung bakit sabay sabay ang mga pasakit niyang nararanasan. Madalas sa simbahan ngunit nandon lang at tulala at di nakikinig sa misa. Nakaupo kahit ang lahat ay nakatayo nakaluhod. Baliw na yata siya. Tanong ng tanong, araw-araw, lingo-linggo. Sa kahihintay ay tuluyang nawala ang pananampalataya hanggang sa itakwil ang paniniwalang may Diyos.

Malungkot ang semestre, nawalan ng taong minahal niya sa halos 5 o higit pang taon, nawalang ng Diyos na tanging sinasandalan at nasilayan pa ang lupit ng mga sakuna, sa mundo, at sa mismong bayan nya. Wala na si Zyrus na malapitan.

Maraming babae sa loob ng 3 buwan ang kanyang nagugustuhan. Ngunit iniiwasan sa paniniwalang iyon ay isang pandaraya lang upang makalimutan si Aurora. Nagkagusto siya, ngunit pinipigil ang sarili sa takot na makasakit ng iba. Si Anne ang unang nag-alis ng sakit, dahil sa kanya ay nahilig si Zyrus na maglagay ng keychain na manika sa bag. (he he he e.labo). Nagustuhan niya si Anne, ngunit natatakot siyang kumilos.

Natapos ang sem at na-uno ni Zyrus ang subject na nagpabago sa kanya. Isa lang ang taong nasabihan niya tungkol sa kanyang struggles, si Anne. Si Anne na kaklase niya sa subject na yon. Nagtataka si Zyrus kung bakit niya nagawa yun. Kakaiba ang sem kasi ang dami niyang uno sa kabila ng kalungkutan.

Masama ang alaala ng paaralan na iyon, nandun ang babaeng minahal niya ng matagal na panahon kaya gusto niyang tumakas. Nagpasya siyang magsummer sa Up Diliman. Nagpaalam sa mga magulang upang magkaroon ng pera.

Kailangan na niyang mag-transfer at sa summer aasikasuhin. 3 buwan n at kailangang tuluyang burahin ang mga alaala. Inaayos niya ang mga papeles at agad nmang natapos.

Isang text ang nagpabigla sa kanya, "Pwedeng samahan mo si Aurora sa UP Diliman kasi magsusummer siya dun, sabi ng mama mo ay magsusummer ka din kaya pwedeng alagaan mo siya kasi 1st time nya sa Maynila ng commute lang", he hehe, nanay pala ni Aurora. Walang hiya, isang kalokohan. Pero walang nagawa si Zyrus kundi sumunod, katulad ng lagi niyang ginagawa.

Itutuloy...

No comments: